ABŞ-ın Mərakeşə müdafiə tədarüki - İsraildən dəstək
Mərakeşə ABŞ-dan böyük sayda AH-64E Apache tipli hücum helikopterləri tədarük edildi.
Bu addım ölkənin müdafiə potensialını artırmaqla yanaşı, strateji əlaqələri yeni səviyyəyə qaldırmaqda mühüm addım kimi qiymətləndirilir.
Əvvəllər Mərakeşə ABŞ hərbi yardımının verilməsi ideyası İsrail hakimiyyəti tərəfindən dəstəklənmiş, bu da Mərakeşin İsrail üçün strateji ticarət limanı kimi əhəmiyyətini ortaya qoyub. Qəzzadakı əməliyyatların başlanmasından bəri Mərakeş ilə İsrail arasında ticarət dövriyyəsinin 97%-ə artması, iki ölkə arasındakı iqtisadi əməkdaşlığın dərinləşdiyini göstərir.
Bu hərbi təchizat tədarükü yalnız müdafiə qabiliyyətini gücləndirməklə kifayətlənmir, həm də ABŞ-ın bölgədə təhlükəsizlik və strateji maraqlarını həyata keçirməkdəki iradəsinin bir göstəricisi kimi qiymətləndirilir. Mərakeşin yeni əldə etdiyi hücum helikopterləri, ölkənin regional müdafiə strategiyasında önəmli rol oynayacaq və mümkün təhdidlərə qarşı çevik müdafiə imkanları yaradacaq.
Beləliklə, ABŞ, Mərakeşlə olan müdafiə əməkdaşlığını gücləndirərkən, İsrailin dəstəyi ilə bölgədəki strateji tərəfdaşlığın yeni mərhələsinə qədəm qoyur.
Mədinə Cəlilova
23:51 03.03.2025
Oxunuş sayı: 9623
