Türkiyə PKK-nın silah buraxmaması halında hərbi əməliyyat planı hazırlayır
Türkiyədə qadağan olunmuş Kürdistan Fəhlə Partiyasının (PKK) lideri Abdullah Öcalanın çağırışına tabe olmayıb silahı yerə qoymaması halında həyata keçiriləcək hərbi əməliyyat planı hazırlanır.
Crossmedia.az bu barədə Hürriyet qəzeti öz mənbələrinə istinadən yazır.
“Əgər Kandil (PKK-nın İraqın şimalındakı mərkəzi) silahı yerə qoymasa, Öcalan bununla razılaşmayacaq. Çünki bu halda onlar (döyüşçülər) öz rəhbərliyinə qarşı çıxmış olacaqlar. Gözlənilir ki, Öcalan belə bir bəyanat versin: “Bu Kandil ABŞ-İsrail layihəsidir. Bu PKK mənim PKK-m deyil, bu İsrailin, İranın, ABŞ-ın PKK-sıdır”,” – deyə qəzet yazır.
PKK-nın silah buraxacağı halda nə baş verəcəyi ilə bağlı hazırlıq işləri görülür və silah buraxılmadığı halda həyata keçiriləcək hərbi əməliyyat planları hazırlanır.
Bu məsələ ilə bağlı konkret bir qrafik və yol xəritəsi müəyyən edilib:
Müşahidə dövrü 2-3 ay davam edəcək.
Kandilin silah buraxması halında tətbiq olunacaq mexanizmlər yaradılacaq.
PKK rəhbərləri silah buraxdıqda onların aqibəti necə olacaq?
• Onlar hansı ölkəyə gedəcəklər?
• Silahlar hara təhvil veriləcək?
Bu məsələlər üçün xüsusi mexanizmlər hazırlanacaq.
Silahların təhvil verilməsi:
• Türkiyədə müvafiq qurumlara,
• İraqda Türkiyə və İraq hökumətlərinin nəzarəti altında İraq dövlətinə,
• Suriyada isə Türkiyə və Suriya nəzarətində xüsusi ayrılmış yerlərə veriləcək.
PKK-nın əsas rəhbərləri – Murad Karayılan, Cemil Bayık, Bese Hozat, Duran Kalkan, Murad Karasu və daha 30-40 nəfər üçüncü ölkələrə göndəriləcək. Gedə bilməyənlər isə İraqda müəyyən bölgələrdə qalacaq.
Zəhra Ağayeva
11:38 03.03.2025
Oxunuş sayı: 1005
