Ermənistan USAID tərəfindən maliyyələşdirilən yardım layihələrini dondurub
Ermənistanın Xarici İşlər Nazirliyi:2024-cü ildə Ermənistan ABŞ-la əməkdaşlığın inkişafı çərçivəsində USAID-in qrant sazişi üzrə ümumi 250 milyon dollarlıq paketdən 110 milyon dollar alıb.
Crossmedia.az xarici KİV-ə istinadən xəbər verir ki, söhbət Ermənistanın baş nazirinin müavini Mger Qriqoryan və USAID-in Ermənistandakı missiyasının direktoru Con Allelo tərəfindən 2024-cü ilin sentyabrında imzalanmış sənəddən gedir. Bu sənəd USAID-in qrant sazişinə edilən dəyişiklikləri əhatə edir və Ermənistan ilə ABŞ arasında əməkdaşlığın inkişafına yönəlib.
Nəticədə USAID-in sazişi çərçivəsində nəzərdə tutulan vəsaitin məbləği 120 milyon dollardan 250 milyon dollara qədər artırılıb, həmçinin birgə layihələrin istiqamətləri genişləndirilib.
XİN vurğulayıb ki, ABŞ Dövlət Departamenti və USAID tərəfindən maliyyələşdirilən bütün xarici yardım layihələri dondurulub və nazirliyin agentliklə birgə proqramları yoxdur.
“2024-cü il üçün vəziyyətə görə 250 milyon dollardan 110 milyon dollar ayrılıb. Bunun 49 milyon dolları isə ‘demokratik keçidə dəstək’ üçün sərf olunub”, – XİN qeyd edib.
Zəhra Ağayeva
10:47 03.03.2025
Oxunuş sayı: 8914
