Zelenski: Ukrayna tərəfdaşların dəstəyini almağa davam edəcək
Zelenski ABŞ-ın prezidenti Donald Trampla münasibətlərini saxlayacağını və Ukraynanın beynəlxalq tərəfdaşlarının dəstəyini almağa davam edəcəyini vurğulayıb.
Ukrayna Prezidenti Volodimir Zelenski ölkəsinin mineral ehtiyatları ilə bağlı saziş imzalamağa hazır olduğunu da bildirib. Dövlət başçısı vurğulayıb ki, əgər bu mövzuda razılıq əldə olunubsa, Ukrayna öhdəliklərini yerinə yetirməyə hazırdır.
O, NATO-ya üzvlüklə bağlı maraqlı açıqlama verib: “Məni NATO-ya dəyişmək olar. Əgər üzvlüklə məni dəyişərlərsə, bu o deməkdir ki, mən öz missiyamı yerinə yetirmiş oluram”.
Crossmedia.az xəbər verir ki, Zelenski həmçinin Ukraynada seçkilərin keçirilməsi məsələsinə toxunub və bildirib ki, sadəcə seçkilərin baş tutması kifayət deyil, onu iştirakdan kənarlaşdırmaq da lazımdır. Lakin bunun üçün onun razılığı tələb olunur ki, bu da asan məsələ deyil.
Dövlət başçısı müharibənin başa çatdırılması ilə bağlı danışıqların hələ çox uzaq olduğunu və bu istiqamətdə real addımların atılmadığını da vurğulayıb.
Ukrayna Prezidenti beynəlxalq dəstəyin vacibliyini qeyd edərək, ölkəsinin qlobal müttəfiqləri ilə əməkdaşlığını davam etdirəcəyini bildirib.
08:52 03.03.2025
Oxunuş sayı: 2658
