Qəzzada atəşkəsdən sonra 116 nəfər həlak olub
Yanvarın 19-dan etibarən atəşkəs qüvvəyə mindikdən sonra Qəzza zolağında azı 116 nəfər həlak olub, 490-dan çox insan isə yaralanıb.
Crossmedia.az xəbər verir ki bu barədə Qəzzanın Səhiyyə Nazirliyi bildirib.
Nazirliyə görə, bu səhərdən etibarən dörd nəfərin cəsədi və altı yaralı Qəzza zolağındakı xəstəxanalara çatdırılıb. "Atəşkəs dövründə ümumi ölüm sayı 116-ya, yaralıların sayı isə 490-a çatıb", - deyə məlumatda qeyd olunub.
2023-cü ilin oktyabr ayından bəri İsrail bombardmanları nəticəsində Qəzza zolağında həlak olanların ümumi sayı 48,000-i ötüb, yaralıların sayı isə təxminən 112,000-ə çatıb.
17:45 02.03.2025
Oxunuş sayı: 12342
