Kəşfiyyat məlumatları yayıldı: Rusiya və Çindən ABŞ-a ağır zərbə
Rusiya və Çin ABŞ Prezidenti Donald Trampın siyasətindən narazı olan ABŞ federal işçilərini işə götürməyə çalışır.
Crossmedia.az “CNN”ə istinadla xəbər verir ki, bu barədə ABŞ Hərbi Dəniz Qüvvələrinin Cinayət Axtarış Xidmətinin dərc etdiyi sənəddə məlumat verilib.
Sənəddə Tramp administrasiyasının təşəbbüsü ilə həyata keçirilən kütləvi ixtisarlardan xarici kəşfiyyat xidmətlərinin, xüsusən də Rusiya və Çinin yararlanmaq cəhdlərindən bəhs edilir. Onlar xüsusilə milli təhlükəsizlik sahəsində çalışan əməkdaşlarla maraqlanırlar.
Qeyd edək ki, kəşfiyyat məlumatları Çin və Rusiya əsasən bir neçə kateqoriyadan olan əməkdaşlara fokuslanır. Əsas diqqətləri isə xüsusilə son zamanlarda məxfi məlumatlara çıxışı olan və işdən çıxarılmış işçilərə, sınaq müddətində olan və ya işdən çıxarılma riski ilə üzləşən şəxslərə yönəlib.
Nəzrin Salmanova
23:30 02.03.2025
Oxunuş sayı: 11033
