ABŞ-dən İsrailə 4 milyard dollarlıq hərbi YARDIM
ABŞ dövlət katibi Marko Rubio İsrailə silah tədarükünü sürətləndirmək üçün memorandum imzalayıb
Rubio İsrailə təxminən 4 milyard dollarlıq silah satışını sürətləndirmək üçün memorandum imzaladığını açıqlayıb.
Crossmedia.az Anadolu Ajansına istinadən xəbər verir ki, ABŞ Dövlət Departamentindən verilən açıqlamaya görə, Rubio keçmiş prezident Co Bayden administrasiyasının İsrailə qarşı "qismən silah embarqosu" tətbiq etmək qərarını rədd edib.
Rubio, İsrailə təxminən 4 milyard dollarlıq silah satışını sürətləndirmək üçün bir memorandum imzaladığını ifadə edərək, prezident Donald Tramp administrasiyasının vəzifəyə gəldiyi gündən İsrailə təxminən 12 milyard dollarlıq silah satışına icazə verdiyini bildirib.
Rubio qeyd edib ki, ABŞ İsraili dəstəkləməyə davam edəcək.
Fevralın 8-də ABŞ administrasiyası İsrailə yeni silahların, o cümlədən müxtəlif kateqoriyalı minlərlə raket və sursatın ümumi dəyəri 7,4 milyard dollar olan satışını təsdiqləyib.
Bu çərçivədə İsrailə 2166 kiçik miqyaslı bomba, 2800 ümumi təyinatlı 500 kiloqram bomba, 13 min Birgə Birbaşa Hücum Sursat (JDAM) bələdçi dəsti, eləcə də minlərlə bomba və müxtəlif kateqoriyalar üzrə təlimat dəsti çatdırılacaq.
Pərvin Hacıyeva
14:32 02.03.2025
Oxunuş sayı: 3866
