Rusiya 79 pilotsuz təyyarə ilə Ukraynaya hücum edib: Ölən və yaralananlar var
Rusiya ordusu Ukraynanın bir çox ərazisinə 79 pilotsuz uçuş aparatı (PUA) ilə hücumlar həyata keçirib.
Crossmedia.az xarici mətbuata istinadən xəbər verir ki, hücum nəticəsində 1 nəfər ölüb, 6 nəfər yaralanıb.
Qeyd edək ki, Rusiya ilə Ukrayna arasında müharibə 3 ildən artıqdır ki, davam edir.
İki ölkə arasında atəşkəs razılaşması əldə etmək üçün ABŞ tərəfindən addımlar atılsa da, heç bir nəticə əldə edilməyib.
Rusiya gecə boyu 79 pilotsuz uçuş aparatı (PUA) ilə atəşkəs razılaşması ilə razılaşmayan Ukraynanı hədəfə alıb.
Ukraynanın şərqindəki Kramatorsk şəhərində bir nəfər ölüb, iki nəfər yaralanıb. Kramatorsk meri Oleksandr Qonçarenko açıqlamasında "Kramatorsk düşmən atəşinə məruz qalıb və 2006-cı il təvəllüdlü uşaq həlak olub" - deyib.
Ukrayna Hərbi Hava Qüvvələrindən verilən açıqlamaya görə, Ukrayna hava hücumundan müdafiə bölmələri gecə saatlarında Ukraynanın müxtəlif bölgələrinə hücum edən 79 Rusiya pilotsuz təyyarəsindən 63-nü məhv edib.
Aybəniz Səfərova
14:39 02.03.2025
Oxunuş sayı: 12188
