Makron: “Rusiya Üçüncü Dünya Müharibəsi riskini artırır”
Fransa prezidenti Emmanuel Makron Rusiyanın siyasəti ilə bağlı yeni və sərt bəyanatlar verib.
Crossmedia.az xarici mediaya istinadən xəbər verir ki, o, Putinin Ukrayna ilə kifayətlənməyəcəyini, dayandırılmadığı halda, digər ölkələr üçün də təhdid yaradacığını bildirib.
“Əgər Putini dayandırmasaq, o, irəliləməyə dəvam edəcək- növbəti hədəf Moldova, sonra Ruminiya olacaq” deyə narahatlığını vurğulayıb.
Fransa lideri, Rusiyanı Avropada qeyri- sabitlik yaratmaqda və təhlükəsizliyi təhdid etməkdə günahlandırıb.
“Sərhədlərimizdə həddindən artıq silahlanmış və aqressiv Rusiya ordusu dayanıb. Onlar terror aktları təşkil edir, Avropada genişmiqyaslı dezinformasiya kompaniyaları aparır. Təhlükəsizliyimiz ciddi risk altındadır” - deyə Ölkə Prezidenti vurğulayıb.
Makron həmçinin, Üçüncü Dünya müharibəsi riskinin məhz Putinin addımlarının ilə artdığını qeyd edib.
“ Əgər, kimsə Üçüncü Dünya müharibəsi ilə oynayırsa, bu, Putindir. Məhz o üç il əvvəl bu aqressiyanı başlatdı” - deyə o bildirib.
Bundan əlavə, Makron Rusiyanın Şimali Koreya və İranla əməkdaşlığını tənqid edib.
“Putin Avropaya 10 000 şimali koreyalı əsgər gətirdi. O, İranın nüvə proqramına dəstək vermək üçün pilotsuz təyyarələr istədi və bunun qarşılığında Avropada müharibəyə səbəb oldu”, – deyə Fransa Prezidenti bildirib.
O, gələn həftə Avropa İttifaqının mühüm toplantı keçirəcəyini və yeni müdafiə strategiyasının müzakirə olunacağını açıqlayıb.
“Gələn cümə axşamı Avropa İttifaqının iclası keçiriləcək. Burada Avropanın müdafiə arxitekturasının yaradılması müzakirə olunacaq. Söhbət yüz milyardlarla avrodan, 700 milyard avroya qədər gedir”, – deyə Makron əlavə edib.
Mədinə Cəlilova
13:23 02.03.2025
Oxunuş sayı: 7804
