Xamenei: “ABŞ və Avropanın dəstəyi sadəcə illüziyadır”
İranın lideri Ayətullah Əli Xamenei Ukrayna və ABŞ Prezidentləri Vlodimir Zelenski ilə Donald Tramp arasındaki münaqişəyə münasibətini bildirib.
Crossmedia.az-ın xarici mətbuata istinadən verdiyi xəbərə görə, o, X platformasında Ukrayna dilində paylaşım edərək, ABŞ-ı müttəfiqlərinə xəyanət etməklə ittiham edib.
“Ukraynanın faciəli vəziyyətindən görünən odur ki, Qərb ölkələri və onların marionet hökümətlərinin dəstəyi sadəcə illüziyadan ibarətdir. Bunu Qərbə arxalanan bütün hökümətlər anlamalıdır. ABŞ-a və Avropaya güvənən hökümətlər, Ukraynanın vəziyyətindən dərs çıxarsınlar” deyə Xamenei tvitində sərt reaksiya bildirib.
Bu açıqlama İranın Qərbə qarşı tənqid mövqeyini bir daha gücləndirdiyini göstərib.
Mədinə Cəlilova
12:39 02.03.2025
Oxunuş sayı: 10991
