Suriyada Druzlarla hökumət qüvvələri arasında gərginlik: İsrail müdaxiləyə hazırlaşır
Suriyada Druz milisləri ilə hökumət qüvvələri arasında qarşıdurmalar davam edir. Gərginlik, Druz döyüşçülərinin bir təhlükəsizlik zabitinə hücum edərək onu öldürməsindən sonra daha da artıb. Döyüşlərdə hər iki tərəfdən ölən və yaralananlar var.
Crossmedia.az xəbər verir ki, İsrail baş naziri Benyamin Netanyahu və müdafiə naziri Yoav Katz İsrail ordusuna Suriyanın Carmana qəsəbəsindəki Druzları qorumağa hazırlaşmağı tapşırıblar. Netanyahu Suriya hökumətini Druzlara qarşı hücumu dayandırmazsa, İsrail ordusunun dərhal hərəkətə keçəcəyi barədə xəbərdar edib.
Bu açıqlamalardan sonra Carmana şəhərindəki Druzlar bayram ediblər. Eyni zamanda, Süveyda vilayətindəki Druz Milislərinin Hərbi Şurası bütün döyüş hissələrinin səfərbər edildiyini elan edib.
İsrailin açıq təhdidlərindən sonra Suriya təhlükəsizlik qüvvələri Carmana bölgəsinə hücum planlarından geri çəkilib.
Qeyd edək ki, Suriyadakı Druzlar əsasən ölkənin cənubunda, xüsusilə Süveyda vilayətində məskunlaşıb. Onların ümumi sayı 700-800 min arasında qiymətləndirilir və təxminən 300 mini Suriyaday yaşayır.
10:20 02.03.2025
Oxunuş sayı: 9456
