Airbnb həmtəsisçisi ABŞ hökumətinin təqaüd prosesini rəqəmsallaşdıracaq
"The New York Times"ın məlumatına görə, Airbnb həmtəsisçisi Co Gebbia Elon Maskın "Hökumət Effektivliyi Departamenti"nə qoşulub. O, hökumətin köhnəlmiş və kağız üzərində aparılan təqaüd prosesini rəqəmsallaşdırmaq üçün fəaliyyət göstərəcək.
Co Gebbia sosial media platforması X-də açıqlamasında bildirib ki, ilk addım olaraq öz dizayn sahəsindəki təcrübəsini bu sistemin yenidən qurulmasına yönəldəcək. ABŞ Hökumətinin Kadr İdarəsinin (OPM) rəhbər əvəzi Çak Ezell isə yayımlanan video bəyanatda bildirib ki, administrasiya agentliyi bir həftə ərzində tam rəqəmsal şəkildə təqaüd prosesini həyata keçirməyə çağırıb. Hökumət artıq bu prosesi iki günə endirməyə nail olub.
Zeynəb Yunuszadə
16:40 01.03.2025
Oxunuş sayı: 7891
