İsrail 600 fələstinli məhbusu azad edəcək
İsrail bu gecə təxminən 600 fələstinli məhbusu azad edəcək.
Həmin vaxt HƏMAS da dörd fələstinli məhbusun cəsədini İsrailə təhvil verəcəyini açıqlayıb.
Crossmedia.az xarici mediaya istinadən xəbər verir ki, Qəzza zolağında Xan Yunisdəki Avropa Qəzza Xəstəxanasında məhbuslar üçün hazırlıqların görüldüyü bildirilib.
HƏMAS tərəfindən edilən açıqlamaya əsasən, bu gecə İsraillə HƏMAS arasında razılaşdırılan atəşkəsin son mərhələsində İsrailə təhvil veriləcək məhbusların cəsədləri Itzahi Eidan, Itzik Al-Jarit, Ohad Yehlomi və Shlomo Mansur olacaq.
Xatırladaq ki, fevralın 22-də HƏMAS, İsraillə atəşkəs razılaşmasının son mərhələsində 6 israilli məhbusu azad etmiş, İsrail isə 620 fələstinli məhbusu azad etmək öhdəliyini yerinə yetirməmişdi.
İsrailin baş nazirliyindən verilən açıqlamaya görə, fələstinli məhbusların azadlığa buraxılması təxirə salınıb və buna səbəb kimi "Həmasın məhbuslar üçün aşağılama mərasimləri" və "məhbuslardan təbliğat məqsədilə istifadə edilməsi" göstərilib.
21:06 26.02.2025
Oxunuş sayı: 772
