İsrail ordusu fələstinli ailələrin konteyner evlərini də dağıtdı
İsrail ordusu işğal altındakı Şərqi Qüdsdə daha əvvəl evlərini sökdüyü iki fələstinli ailənin konteyner evlərini də yerlə bir edib.
Crossmedia.az Fələstinin WAFA xəbər agentliyinə istinadən xəbər verir ki, İsrail polisi və hərbçiləri buldozerlərin müşayiəti ilə Əl-Əqsa məscidinin cənubundakı Silvan bölgəsində yerləşən Bostan məhəlləsinə basqın ediblər.
Hücum zamanı Ayid və Ruveydi ailələrinə məxsus, ümumilikdə 10 nəfərin yaşadığı iki konteyner ev sökülüb.
Qeyd edək ki, İsrail hakimiyyəti 2024-cü ilin noyabrında həmin ailələrin daimi yaşayış evlərini "tikinti lisenziyası olmadığı" iddiası ilə dağıtmışdı.
Fələstinlilərin sayını azaltmaq siyasəti
Fələstin, İsrail və beynəlxalq insan haqları təşkilatları Təl-Əviv hökumətinin Şərqi Qüdsdə fələstinlilərin sayını azaltmaq məqsədilə şəhərdə tikinti icazələri verməkdən imtina etdiyini bildirir.
Fələstin Xarici İşlər Nazirliyi İsrailin Şərqi Qüdsün Silvan bölgəsində həyata keçirdiyi bu addımları "etnik təmizləmə" siyasəti kimi qiymətləndirib.
19:51 26.02.2025
Oxunuş sayı: 8224
