Ukraynadan ABŞ-yə sərt şərt: Təhlükəsizlik zəmanəti olmadan müqavilə imzalamayacağıq!
Ukraynanın baş naziri Denis Şmıqal ABŞ-la nadir torpaq elementlərinə investisiyalar üzrə sazişin yekun layihəsinin hazırlandığını açıqlayıb.
Crossmedia.az xarici mediaya istinadən xəbər verir ki, o, Ukraynanın təhlükəsizlik zəmanəti olmadan heç bir müqavilə imzalamayacağını bildirib.
ABŞ və Ukrayna hökumətlərinin iki həftə ərzində intensiv danışıqlar apardığını və "Ukraynanın Yenidənqurulması üzrə İnvestisiya Fondunun Qayda və Şərtlərinin yaradılması haqqında Saziş" adlı müqavilə layihəsinin hazırlandığını qeyd edib.
Sazişin 10-cu maddəsinə görə, ABŞ Ukraynanın davamlı sülh üçün təhlükəsizlik zəmanətləri əldə etməsinə dəstək verməlidir.
Baş nazir vurğulayıb ki, nə prezident Zelenski, nə də hökumət bu müqaviləni təhlükəsizlik təminatlarından ayrı şəkildə dəyərləndirməyəcək.
19:36 26.02.2025
Oxunuş sayı: 9728
