Kanadanın Rusiya aktivlərindən gəlir əldə etməsi yalandır – SƏFİR
Rusiyanın Kanadadakı səfiri Oleg Stepanov baş nazir Castin Trüdonun Ukraynaya 3,52 milyard dollar vəsaitin, eləcə də hərbi texnikanın göndəriləcəyi ilə bağlı açıqlamasına münasibət bildirib.
Crossmedia.az xəbər verir ki, o, Kanadanın Rusiyaya aid dondurulmuş aktivlərdən gəlir əldə etmədiyini və belə bir vəsaitin mövcud olmadığını deyib.
Stepanovun sözlərinə görə, Trüdonun açıqlaması reallığı əks etdirmir və bu, yanlış məlumatdır.
Qeyd edək ki, Kanadanın baş naziri Castin Trüdo daha əvvəl Ukraynaya 3,52 milyard dollar vəsaitin məhz dondurulmuş Rusiya aktivlərindən əldə olunan gəlir hesabına ayrılacağını bəyan edib.
Fatimə Məmmədova
14:10 25.02.2025
Oxunuş sayı: 8167
