Netanyahu Suriyanı hədəf aldı: “Cənub tam tərksilah edilməlidir”
İsrailin baş naziri Benyamin Netanyahu, Fələstin və Livanda davam edən münaqişələr fonunda indi də Suriyanı hədəf alıb.
Crossmedia.az xarici KİV-ə istinadən xəbər verir ki, o, Dəməşq rəhbərliyinin güclənməsinə qarşı çıxaraq, Suriyanın cənub bölgələrinin tamamilə tərksilah edilməsini tələb edib.
Netanyahu İranın İsrailə təzyiq göstərməyə çalışdığını iddia edərək, Tehrana ağır zərbələr endirdiklərini bildirib.
O, İsrailin İranın raket istehsal imkanlarına ciddi ziyan vurduğunu, lakin əsas hədəflərinin İranın nüvə silahına sahib olmasının qarşısını almaq olduğunu vurğulayıb.
Qəzzada narazılıq artır
Netanyahu, HƏMAS-la İsrail arasında əldə olunan atəşkəs və əsir mübadiləsi razılaşmasına toxunaraq, müharibənin məqsədlərinə sadiq qaldıqlarını bildirib.
O, ABŞ prezidenti Donald Trampın açıqlamalarının əsirlərin vaxtından əvvəl azad edilməsinə təsir etdiyini və Vaşinqtondan İsrailə göndərilən yüksək tonajlı bombalara görə Trampa təşəkkür etdiyini qeyd edib.
Lakin Netanyahu çıxışı zamanı HƏMAS-ın israilli məhbusları qaytarması ilə bağlı danışarkən, mərasim iştirakçılarının “Niyə onları xilas etmədin?” şüarları ilə etiraz etməsi Qəzzada narazılığın artdığını göstərib.
23:43 24.02.2025
Oxunuş sayı: 7414
