Ermənilər onu təhdid edirlər
Gürcü bloger Tako Tamuna Xocalı soyqırımında iştirak etdiyini 2023-cü ildə etiraf edən “erməni generalı” ilə bağlı yayımladığı video səbəbindən yenidən təhdidlər almağa başlayıb.
Crossmedia.az xəbər verir ki, o, bu təhdidlərə görə mətbuata heç bir şərh verə bilmədiyini bildirib.
Xatırladaq ki, 2023-cü ildə TikTok platformasında Tako Tamuna ilə özünü “erməni generalı” adlandıran Levon Minasyan arasında dialoq baş tutub. Söhbət zamanı Minasyan Xocalıda azərbaycanlılara qarşı törədilən qətliamda iştirak etdiyini açıq şəkildə etiraf edib.
"Xocalı mənim işimdir. Azərbaycanlılar məni axtarır, nə qədər adam doğradığımı saymaq mümkün deyil", – deyə o bildirib.
Bu etirafdan sonra bloger ermənilər tərəfindən təhdid və təzyiqlərlə üzləşib.
Qeyd edək ki, iki gün əvvəl Tako Tamuna yenidən sosial şəbəkələrdə video paylaşıb və bundan sonra onun ünvanına yeni hədələr gəlməyə başlayıb.
Fatimə Məmmədova
18:10 24.02.2025
Oxunuş sayı: 4466
