Azərbaycan dövlətinin ali məqsədi vətəndaşının rifahının yüksək səviyyədə olmasıdır
Azərbaycan dövlətinin ali məqsədi onun vətəndaşının rifahının, sosial həyatının yüksək səviyyədə olmasıdır.
Crossmedia.az xəbər verir ki, bunu Milli Məclis sədrinin müavini Ziyafət Əsgərov "Yüksəliş" müsabiqəsi tərəfindən keçirilən "Gələcəyə baxış: Yeni reallıqlar şəraitində suverenliyin möhkəmləndirilməsi" Forumunda deyib.
O xatırladıb ki, 1991-1993-cü illərdə ölkədə çox böyük hərc-mərclik var idi:
"Hakimiyyətlər dəyişirdi, irəliləyiş yox idi. Ölkədə dövlət nədir, dövlətçiliyin əsası nədir, konstitusiya quruluşu nədir? Bilən yox idi. Hələ 1994-cü ildə “Əsrin müqaviləsi” imzalananda Azərbaycana kənardan təzyiqlər göstərilirdi. Gənclər müstəqillik və suverenliyimizin qədrini bilməlidirlər. 30 il öncəki durum bəllidir. İndi isə dövlətimiz sosial dövlətdir, vətəndaşının əmək hüququnu, təminatını düşünür".
Z.Əsgərov əlavə edib ki, böyük güclər Ermənistanın işğalçılıq siyasətini müdafiə edirdi:
"Azərbaycan isə 44 günlük Vətən müharibəsində bu mövqeləri elə neytrallaşdırdı ki, heç kim haqq işimizə müdaxilə edə bilmədi".
12:16 21.02.2025
Oxunuş sayı: 4040
