Tbilisi meri: Üzləşdiyimiz vəziyyət çox çətin olub
Gürcüstan Baş nazirinin kabinetində ona qarşı kobud danışılıb və partiya sədri ilə birlikdə Gürcüstanda ikinci cəbhənin zorakı metodlarla açılması üçün birbaşa cəhd edilib. Müəyyən bir müddət ərzində bu barədə danışmaq çətindir.
Crossmedia.az xəbər verir ki, bunu Tbilisi meri Kaxa Kaladze Gürcüstan mediasının hazırkı siyasi hadisələrlə bağlı sualına cavab olaraq bildirib.
"Bizim üzləşdiyimiz vəziyyət çox çətin olub. Məsələn, baş nazirin kabinetində ona kobud davranılıb, partiya sədri ilə birlikdə zor tətbiq edərək ölkədə ikinci cəbhəni açmağa çalışıblar. Könüllülərin Ukrayna müharibəsinə göndərilməsi üçün çarter reyslərinin zorla təşkil edilməsi cəhdi olub. Bundan əlavə, Gürcüstanı sanksiyalara qoşulmağa məcbur etmək üçün kobud təzyiqlər göstərilib ki, bu da ölkəmizin iqtisadiyyatı və gələcəyi üçün dağıdıcıdır”.
Qeyd edək ki, o bu gün biz xalqın dəstəyi ilə hakimiyyətdə olduqlaeını və böyük məsuliyyət daşıdıqlarını da bildirib:
“Bizim vəzifəmiz ölkəmizin maraqlarını qorumaqdır. Əlbəttə ki, dostlara və tərəfdaşlara ehtiyacımız var. Lakin uzun illər ərzində bu dostluq pərdə arxasında qalıb, çünki əsasən onların maraqları həyata keçirilib. Zərər çəkəcəyini bildiyin şeyi etməməlisən. Buna görə də biz həmişə ölkəmizi və xalqımızın maraqlarını qoruyacağıq," – deyə o vurğulayıb.
Nəzrin Salmanova
16:09 20.02.2025
Oxunuş sayı: 4163
