Gündəm

Paşinyan Bakıya qarşılıqlı yükdaşıma dəmir yolu əlaqəsi təklif edib

Ermənistanın baş naziri Nikol Paşinyan Azərbaycan tərəfinə qarşılıqlı yükdaşıma dəmir yolu əlaqəsinin açılması ilə bağlı təklif göndərildiyini bildirib.
Crossmedia.az bildirir ki, bu barədə Ermənistanın baş naziri Nikol Paşinyan mətbuat konfransında bildirib.
“Biz kommunikasiya xətlərinin açılması ilə bağlı Azərbaycana konkret təklif təqdim etmişik. Bu təklif həm Ermənistanın, həm də Azərbaycanın mövqeyini nəzərə alır. Bu çərçivədə biz Bakıya Qərbi Azərbaycandan Ermənistanın Meğri şəhəri vasitəsilə Naxçıvana və əks istiqamətdə yükdaşıma dəmir yolu əlaqəsinin qurulmasını təklif edirik,” – deyə Paşinyan cümə günü keçirdiyi mətbuat konfransında bildirib.
Onun sözlərinə görə, İrəvan Bakıdan həmçinin Eryasxdan (Arazdəyən – Naxçıvan Muxtar Respublikası ilə sərhəddə yerləşən məntəqə) Naxçıvan üzərindən Meğriyə yükdaşıma dəmir yolu əlaqəsinin açılmasını istəyir.
“Gələcəkdə müvafiq şərait yarandıqda sərnişin daşımaları barədə də düşünməyə başlaya bilərik. Biz Azərbaycanın bu təklifə müsbət reaksiya verməsini gözləyirik və onların niyə imtina etməli olduqlarını anlamıram,” – deyə Paşinyan vurğulayıb.
Gültac Mehdizadə