Gündəm
Zaxarovadan erməni jurnalistə gözlənilməz CAVAB
- Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan və Rusiya arasındakı ikitərəfli münasibətlərlə bağlı erməni jurnalistinin sualını absurd adlandırıb.
- Crossmedia.az xəbər verir ki, bu barədə xarici KİV məlumat verib.
- "Azərbaycan və Rusiyanın səfirlərinin çağırılması və bu iki ölkənin ikitərəfli gündəliyi ilə bağlı sualın erməni jurnalist tərəfindən verilməsi absurd və gülünc görünür. Mən elə bilirdim ki, siz məni Davosda səsləndirilən ermənilərin soyqırımı bəyanatı barədə soruşacaqsınız. Bizim Azərbaycanla ikitərəfli münasibətlərimizi necə qurmağımız, xüsusilə də bu məsələnin Bakı-İrəvan nizamlanma prosesi ilə əlaqəli olmadığı halda, tamamilə absurd görünür",– deyə M.Zaxarova bildirib.
- "Niyə erməni KİV nümayəndələri Rusiya-Ermənistan münasibətləri əvəzinə, digər ölkələrin ikitərəfli münasibətləri barədə suallar verirlər"? – deyə o sual verib.
- Erməni jurnalist isə sualının düzgün olduğunu iddia edərək azərbaycanlı jurnalistlərin Rusiya-Ermənistan münasibətləri ilə bağlı oxşar suallar verdiyini bildirib.
- Zaxarova bu iddiaya cavab olaraq qeyd edib ki, Azərbaycan KİV nümayəndələrinin verdiyi suallar əsasən ikitərəfli münasibətlər və Cənubi Qafqazdakı vəziyyətin tənzimlənməsi ilə bağlı olur.
- Qeyd edək ki, erməni jurnalistin israrından sonra Zaxarova Bakı və Moskva arasındakı son vəziyyətin anlaşılmazlıq nəticəsində yarandığını qeyd edib.
- Fatimə Məmmədova
16:01 31.01.2025
Oxunuş sayı: 594
