2026-cı ilə qədər İranda "Rus Evi" açılacaq
Rusiya Beynəlxalq Humanitar Əməkdaşlıq Mərkəzi 2026-cı ilə qədər İranda “Rus Evi” açacağını açıqlayıb.
Crossmedia.az “Sputnik Iran”a istinadən xəbər verir ki, bu barədə Rusiya Xarici İşlər Nazirliyi məlumat yayıb.
Mərkəz, Tehranda Rus Mədəniyyət Mərkəzinin açılması ilə bağlı praktiki məsələlərin işlənib hazırlanmasına başlayıb. Rusiya XİN ilə razılaşdırılaraq, lazımi yardımın olması şərti ilə mərkəzin açılması planlaşdırılır.
Belə ki, "Rus Evi"nin açılması vətəndaşların rus dilini öyrənmək ehtiyacını ödəyəcək və Rusiyanın Tehranda mədəni və humanitar mövcudluğunu genişləndirəcək.
Hazırda Rusiyanın Tehrandakı səfirliyində Rusiya Nümayəndəliyi fəaliyyət göstərir. Nümayəndəlik rus mədəniyyətinin, təhsilinin və təliminin təbliği, habelə İranın aparıcı universitetləri ilə əlaqələr sahəsində tədbirlər və proqramlar təşkil edir.
21:23 29.01.2025
Oxunuş sayı: 3508
