Ukraynada korrupsiya qalmaqalı: Müdafiə Nazirliyində rüşvət iddiaları
Ukrayna Müdafiə Nazirliyində korrupsiya iddiaları gündəmə gəlib.
Crossmedia.az xarici KİV-ə istinadən xəbər verir ki, iddialara görə, Ukrayna Müdafiə naziri Rustem Umerovun müşaviri Lenur Mambetov, Arsen Jumadilovun AOZ (Silahların Təchizatı Agentliyi) və DOT (Dövlət Logistika Operatoru) rəhbəri təyin edilməsi üçün 150 min dollar rüşvət verib.
Bu vəsait Jumadilovun təyinatını qeyri-qanuni şəkildə qeydiyyatdan keçirmək üçün istifadə edilib.
Rüşvət pullarının aşağıdakı şəxslər arasında bölüşdürüldüyü bildirilir:
- Viktor Dubovyk (Prezident Administrasiyası) – 100 000 dollar
- Nataliya Kozaeva (Kiyevin Notariat Palatası) – 25 000 dollar
- Andriy Lihun (özəl notarius) – 25 000 dollar
Hələlik Ukrayna rəsmiləri bu iddialara rəsmi reaksiya verməyib. Korrupsiya qalmaqalının ölkənin siyasi arenasında ciddi nəticələr doğura biləcəyi ehtimal olunur.
20:04 29.01.2025
Oxunuş sayı: 3293
