Ermənistanın Aİ-yə üzvlüyünü dəstəkləyənlər artdı
Ermənistanda keçirilən sorğuya əsasən, respondentlərin təxminən 55%-i ölkənin Avropa İttifaqına üzvlüyünü dəstəkləyən qanun layihəsinə müsbət yanaşır.
Crossmedia.az xarici mediaya istinadən xəbər verir ki, sorğuda iştirak edənlərin 23%-i qanun layihəsinə tam müsbət, 31,9%-i isə qismən müsbət yanaşdıqlarını bildirib. 12%-i qanun layihəsinə qismən mənfi, 19,3%-i isə tam mənfi yanaşır. 13,8%-i isə suala cavab verməkdə çətinlik çəkib.
Sorğunun nəticələrinə görə, iştirakçıların yarısı hesab edir ki, növbəti 10 il ərzində Ermənistan Avropa İttifaqına daxil olacaq, 40%-i isə buna inanmır.
Eyni zamanda, respondentlərin 27%-i Ermənistanın Aİ üzvlüyü və ABŞ ilə strateji tərəfdaşlıq haqqında imzaladığı sazişin ölkənin təhlükəsizliyini artıracağına inanır. 24,2%-i isə bunun yeni risklər yaradacağı qənaətindədir.
Qeyd edək ki, sorğu 20-22 yanvar tarixləri arasında 1.100 nəfər arasında keçirilib.
Fatimə Məmmədova
19:07 29.01.2025
Oxunuş sayı: 8711
