Müstəmləkəçiliyə qarşı mübarizə güclənir
Bakı Təşəbbüs Qrupu müstəmləkəçilikdən zərər görmüş cəmiyyətlərin dirçəlişi və beynəlxalq həmrəyliyin gücləndirilməsi istiqamətində fəaliyyətini davam etdirir. Beynəlxalq əməkdaşlıq və təcrübə mübadiləsini təşviq edən bu təşəbbüs, həmrəylik ruhunu gücləndirərək, azadlıq və sosial dirçəliş yolunda mühüm addımlar atır. Reyunyon adası da Fransız müstəmləkəçiliyinin təsirlərindən əziyyət çəkir və yerli əhali bu günə qədər bu çətinliklərlə üzləşir.
“Ka-Ubuntu” azadlıq hərəkatının Reyunyon bölməsinin nümayəndəsi Houssalam Said HOUDJATI Crossmedia.az-a verdiyi açıqlamada Fransız müstəmləkəçiliyinin mənfi təsirlərini vurğulayıb. Onun sözlərinə görə, müstəmləkəçilik işğal etdiyi ərazilərdə yerli əhalini çətin vəziyyətə salıb və bu təsirlər hələ də davam edir.
Houssalam Said HOUDJATI bildirib: "Fransız müstəmləkəçiliyi işğal etdiyi ərazilərə böyük ziyan vurmuş, yerli əhalini həddindən artıq çətin vəziyyətə salmışdır. Bu ziyan nəticəsində bu gün ailələrin dağılması, çox pis şəraitdə yaşaması və kimliklərindən məhrum olmaları kimi hallarla üzləşirik. Məhz bu səbəbdən həmin ərazilərdə yaşayan insanlar özlərini itirilmiş bir tarix və mədəniyyətin qurbanları kimi hiss edirlər".
O, müstəmləkəçiliyin nəticələrinin aradan qaldırılmasında Bakı Təşəbbüs Qrupunun rolunu yüksək qiymətləndirib: "Bu gün Bakı Təşəbbüs Qrupu kimi təşəbbüslər çox maraqlıdır və həmrəylik ruhunu artırmağa imkan yaradır. Bu cür təşəbbüslər müstəmləkəçiliyin nəticələrinin aradan qaldırılmasına doğru mühüm addımların atılmasını təmin edə bilər".
Houssalam Said HOUDJATI beynəlxalq ictimaiyyət və Bakı Təşəbbüs Qrupu arasında əməkdaşlığın genişləndirilməsinin vacibliyini də vurğulayıb: "Beynəlxalq ictimaiyyət və Bakı Təşəbbüs Qrupu arasında mübadilələr artırılmalıdır. Qarabonto və Bakı Təşəbbüs Qrupu kimi təşkilatlar arasında qarşılıqlı yardımlar gücləndirilməli, bilik və təcrübə mübadiləsi genişləndirilməlidir. Bu cür əməkdaşlıqların çoxalması müstəmləkəçilikdən azad olan ərazilərdə əhalinin inkişafına, azadlığa doğru irəliləyişlərinə və bu ərazilərin tam bərpasına imkan verəcəkdir".
Houssalam Said HOUDJATI-nin fikirlərindən aydın olur ki, müstəmləkəçilikdən zərər görmüş cəmiyyətlərin dirçəlməsi üçün həmrəylik və beynəlxalq əməkdaşlıq həlledici əhəmiyyət daşıyır.
Nabat Fərzəliyeva
15:09 23.01.2025
Oxunuş sayı: 1763
