Azərbaycanla İran arasında əməkdaşlıq sənədi imzalanıb
Azərbaycanla İran arasında iqtisadi əməkdaşlıq əlaqələrinin gücləndirilməsi istiqamətində əhəmiyyətli addım atılıb.
Crossmedia.az xəbər verir ki, bu gün Tehranda keçirilən Azərbaycan-İran Birgə İqtisadi Komissiyasının 16-cı iclasının yekununda protokol imzalanıb. İclasda Azərbaycan Baş nazirinin müavini Şahin Mustafayev və İranın yol və şəhərsalma naziri Fərzanə Sadiq iştirak edib.
Sənəddə nəqliyyat, enerji, neft-qaz, su və kənd təsərrüfatı sahələrində əməkdaşlıq üzrə bir sıra mühüm razılaşmalar yer alıb. Həmçinin ticarət əlaqələrinin genişləndirilməsi üçün preferensial ticarət müqaviləsinin tezliklə imzalanması barədə razılıq əldə edilib.
22:34 22.01.2025
Oxunuş sayı: 742
