Gündəm

Azərbaycan səfiri Rusiyanın daxili işlər naziri ilə görüşüb

Azərbaycanın Rusiyadakı səfiri Rəhman Mustafayev Rusiyanın daxili işlər naziri Vladimir Kolokoltsevlə görüş keçirib.
Crossmedia.az bu barədə diplomatik nümayəndəliyin mətbuat xidmətinə istinadən xəbər verir.
Söhbət zamanı tərəflər iki ölkənin daxili işlər orqanları xətti ilə qarşılıqlı fəaliyyətinin aktual məsələlərini müzakirə edib. Eyni zamanda, Azərbaycan və Rusiya arasında beynəlxalq terrorizm və ekstremizmə, transmilli mütəşəkkil cinayətkarlığa, narkotik vasitələrin qanunsuz dövriyyəsinə qarşı mübarizə, eləcə də sərhədyanı əməkdaşlıq sahələrində əməkdaşlığın gedişindən məmnunluqlarını ifadə ediblər.
Görüşdə iki ölkənin miqrasiya sahəsində səylərinin əlaqələndirilməsinin vacibliyi vurğulanıb.