“Real Madrid”in yarımmüdafiəçisi zədələnib
“Real Madrid”-in yarımmüdafiəçisi Eduardo Kamavinqa, əzələ dartınması səbəbi ilə Çepionlar Liqasında “RB Salzburq” və “Brest”-ə qarşı oyunları buraxacaq. Bu zədə onu yaşıl meydanlardan təxminən 3 həftə uzaq olmasına səbəb olub.
Fransa millisinin üzvü çərşənbə günü “Selta Viqo” üzərində 5:2 hesablı qələbə zamanı zədə alıb.
"Real Madrid Tibb Xidməti tərəfindən bu gün oyunçumuz Eduardo Kamavinqa üzərində aparılan testlərdən sonra onun sol ayağının bud nahiyəsində əzələ zədəsi diaqnozu qoyulub”, - klubun açıqlamasında deyilir.
Crossmedia.az ESPN-ə istinadən xəbər verir ki, oyunçu əlavə vaxtda sol ayağında narahatlıq hiss edib, lakin əvəzlənməyib. Oyundan sonra ağrılar davam edib və saatlar sonra keçirdiyi testlər zədənin dərəcəsini təsdiqləyib.
Yarımmüdafiəçi “Las Palmas”, “RB Salzburq”, “Brest”, “Valyadolid” və “Espanyol” ilə oyunları buraxacaq. Komandanın əsas heyət oyunçusu, fevralda “Atletiko Madrid”-ə qarşı derbiyə qayıda bilər.
Nicat Rüstəmzadə
18:37 17.01.2025
Oxunuş sayı: 17158
