MEK-in “İnformasiya bülleteni”nin növbəti nömrəsi çapdan çıxıb
Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) İnformasiya bülletenin 2024-cü ilin üçüncü nömrəsi işıq üzü görüb.
Crossmedia.az xəbər verir ki, informasiya bülletenində MEK-ə 2024-cü ilin üçüncü rübündə daxil olmuş Azərbaycan, rus, ingilis, ərəb və digər dillərdə olan kitablar, dövri və ardı davam edən nəşrlər, avtoreferatların biblioqrafik mənbələri haqqında məlumatlar toplanıb.
Burada əks olunmuş nəşrlər elm sahələri üzrə qruplaşdırılaraq əlifba sırası ilə düzülüb. Oxucuların sifariş vermək istədiyi kitabın kataloqa müraciət etmədən, operativ şəkildə təmin olunması məqsədilə təsvirlərin qarşısında şifrəsi də bülletendə qeyd olunub.
Bülletenin sonunda isə axtarış imkanını asanlaşdırmaq məqsədilə MEK-də iyul-sentyabr aylarında keçirilən tədbirlərin xronikasında yer alan materialların yayımlandığı mənbələr də təqdim edilib.
08:41 15.01.2025
Oxunuş sayı: 3306
