Adınız ilk təəssüratınızı necə formalaşdırır? Numerologiyaya görə hesablayın
Numerologiyaya görə, insanın tam adı onun başqalarında yaratdığı ilk təəssüratı simvolik şəkildə ifadə edən rəqəmlə əlaqələndirilir.
Crossmedia.az xəbər verir ki, bu barədə “Clarín” nəşri məlumat yayıb.
Numeroloqların fikrincə, bu rəqəm insanın geyim tərzi, davranışı və işdə, dostlar arasında və şəxsi münasibətlərdə necə qəbul olunması ilə əlaqələndirilir.
Hesablama qaydası
Doğum haqqında şəhadətnamədəki tam ad və soyaddan yalnız samit hərflər götürülür. Pifaqor cədvəlinə əsasən hər hərfə 1-dən 9-a qədər rəqəm verilir və alınan rəqəmlər toplanır. Cəm bir rəqəmə endirilir. 11, 22, 33, 44 və 55 kimi xüsusi rəqəmlər isə dəyişdirilmir.
Məsələn, şərti olaraq Yelena Petrenko adını götürək. Samit hərflərə uyğun rəqəmlərin cəmi 41 edir. 4+1=5 olduğuna görə, nəticə 5-dir.
Rəqəmlərin mənası
1 – Özünəinamlı, müstəqil və lider xarakterli insan obrazı.
2 – Mehriban, nəzakətli və etibarlı insan təəssüratı.
3 – Şən, ünsiyyətcil və yaradıcı şəxsiyyət obrazı.
4 – Məsuliyyətli, intizamlı və zəhmətkeş insan təəssüratı.
5– Diqqətçəkən, enerjili və yeniliklərə açıq obraz.
6– Qayğıkeş, həssas və ailəyə bağlı insan təəssüratı.
7 – Ciddi, təmkinli və sirli şəxsiyyət obrazı.
8 – Güclü, nüfuzlu və uğura meyilli insan təəssüratı.
9– Səmimi, mərhəmətli və köməksevər insan obrazı.
11 – İntuisiyası güclü, xəyalpərəst və ilhamverici şəxsiyyət.
22 – Praktik düşünən, layihələri həyata keçirməyi bacaran insan.
33 – Həssas, anlayışlı və qayğıkeş şəxsiyyət.
44– Dözümlü, çalışqan və məqsədyönlü lider obrazı.
55– Geniş auditoriyanın diqqətini cəlb edə bilən insan obrazı.
Qeyd edək ki, numerologiya elmi sahə hesab edilmir. Bu yanaşmalar qədim inanclara və simvolik şərhlərə əsaslanır, elmi araşdırmalarla təsdiqlənməyib. Buna görə də təqdim olunan hesablamalar əyləncə xarakterli məlumat kimi qəbul edilməlidir.a
04:30 25.10.2026
Oxunuş sayı: 52
