EIA Azərbaycanda 2025-ci il üçün neft hasilatı proqnozunu açıqlayıb
ABŞ Enerji Nazirliyinin Enerji İnformasiya İdarəsi (EIA) Azərbaycanda 2025-ci ildə orta neft hasilatının gündəlik 630 min barel səviyyəsində olacağını proqnozlaşdırır ki, bu da dekabr proqnozuna uyğundur.
Müvafiq göstəricilər çərşənbə axşamı EIA-nın saytında yerləşdirilib.
İdarəyə görə, 2025-ci ilin birinci rübündə neft hasilatının 610 min barel səviyyəsində olacağı gözlənilir və növbəti aylarda bu göstərici artacaq. Belə ki, ikinci rübdə hasilat 620 min barel, üçüncü və dördüncü rüblərdə isə 640 min barel təşkil edəcək.
Bundan başqa, EIA Azərbaycanda 2026-cı ildə orta neft hasilatının gündəlik 620 min barel səviyyəsində olacağını proqnozlaşdırır. (report)
21:04 14.01.2025
Oxunuş sayı: 23541
