Erməni faşitlərinə "II Nürnberq" məhkəməsi təşkil edilməlidir
Son günlər geniş informasiya məkanına daxil olmuş erməni liderlərinin 1993-cü illərə aid olan video xronikası haqlı olaraq ictimaiyyətdə “Erməni faşizmi” olaraq adlandırılmaga başlanmışdır. Beynəlxalq media da, xüsusilə də Türkiyə xəbər agentlikləri bu xəbəri yaymaqda və geniş kütlələrə çatdırmaqdadır. İstər-istəməz 90-cı illər insanın yadına düşür və o illərdə necə bir informasiya blokadasında olduğumuzu xatırladır. Hər gün yaxınlarımızın başına gələn erməni zülmündən xəbərləri eşitdiyimiz halda dünya mediası erməni təəssübu ilə, erməni cəfakeşliyi ilə proqramlar yayınlayır və bu da həqiqi mənada insanlarımızı psixolojı depressiyaya salırdı.
Yayımlanan video arxiv materiallarından məlum olur ki, işğal olunmuş Azərbaycan ərazilərində insanların kütləvi öldürülməsi, həbs edilməsi və təcavüzlər, erməni olmayanların kütləvi şəkildə qovulması təsadüfi hadisələrin nəticəsi deyil, birinci Ermənistan prezidenti Ter-Petrosyanın elan etdiyi “erməni faşist doktrinasının” nəticəsi olaraq baş verirdi. Ter-Petrosyanın yaratmış oldugu faşist ideologiyasının həyata keçirilməsində özlərinə məxsus “SS” qrupları yaradılmış və beynəlxalq təzyiqdən çəkinmədən açıq toplantılar keçirirdilər.
O zaman da “biz nəyisə düzgün etmirik” düşüncəsi insanı rahat buraxmırdı. Dünya mediasına etimad, onun tərəfsizliyi haqqında illüziyalar mövcud idi. Bir sıra demokrat görüntülü jurnalistlər “siz üsulunu bilmirsiz”, “şəffaf olmaq, dünya mediyasına açıq olmaq lazımdır” deyirdilər.
O illərdə böhranlı dövrü yaşayan Azərbaycanda riyakar dünya mediasına açıldıqca daha artıq ittiham obyekti olurduq və ittihamlar küçə heyvanlarının hüququndan başlayaraq cinsi azlıqların hüququna qədər rəngarəng idi.
Ağır illərin sonunda insanlarımız anladı ki, “bizə aid olan media” və “bizə aid olmayan media” mövcuddur. Biz bunu öyrəndik və 44 günlük şanlı müharibədə də nəticəsini gördük. Artıq erməni faşıst doktrinasının yaradıcılarına, ideoloqlarına “II Nürnberq” məhkəməsi keçirməyin də yollarını düşünmək lazımdır.
Pərviz Kazımi
Cross Media Təhlil Mərkəzinin analitiki, fəlsəfə doktoru
19:15 12.01.2025
Oxunuş sayı: 8046
