Pərvanə Vəliyeva: Azərbaycan–Laos münasibətləri yeni əməkdaşlıq mərhələsinə qədəm qoyur
Azərbaycanın xarici siyasətində Asiya ölkələri ilə əlaqələrin genişləndirilməsi və yeni əməkdaşlıq imkanlarının yaradılması mühüm istiqamətlərdən biridir. Bu baxımdan, Azərbaycan–Laos münasibətlərinin inkişafı xüsusi əhəmiyyət daşıyır. İki ölkə arasında uzun illərə söykənən dostluq münasibətləri son dövrlərdə siyasi dialoqun intensivləşməsi ilə yeni mərhələyə qədəm qoyub. Qarşılıqlı yüksək səviyyəli səfərlər və diplomatik təmaslar ikitərəfli əməkdaşlığın daha geniş müstəvidə inkişafına zəmin yaradır. Xüsusilə iqtisadiyyat, ticarət, investisiya, kənd təsərrüfatı və nəqliyyat sahələrində əməkdaşlığın genişləndirilməsi üçün əlverişli imkanlar mövcuddur. Azərbaycanın beynəlxalq nəqliyyat dəhlizlərindəki strateji mövqeyi Laosla logistika əlaqələrinin inkişafı baxımından da perspektivlər vəd edir. Eyni zamanda, siyasi və parlamentlərarası əlaqələrin gücləndirilməsi iki ölkə arasında qarşılıqlı anlaşmanın dərinləşməsinə xidmət edir. Laos Prezidentinin 13 oktyabr 2026-cı ildə Azərbaycana rəsmi səfəri ikitərəfli münasibətlərin inkişafında mühüm hadisə kimi diqqət çəkir.
Mövzu ilə bağlı Milli Məclisin deputatı Pərvanə Vəliyeva Crossmedia.az-a açıqlamasında bildirib ki, son dövrdə yüksək səviyyəli siyasi təmasların intensivləşməsi isə Azərbaycan–Laos əlaqələrinə yeni dinamika gətirib:
“Münasibətlərin inkişafında 2024-cü ildə Kazanda Prezident İlham Əliyev ilə Laos Prezidenti Thonqlun Sisulitin görüşü mühüm mərhələ olub. Görüş zamanı iqtisadiyyat, ticarət, investisiya, turizm və kənd təsərrüfatı sahələrində əməkdaşlığın genişləndirilməsi imkanları müzakirə edilib. Prezident İlham Əliyev iki ölkə arasında iqtisadi, ticarət və enerji sahələrində əməkdaşlığın inkişaf etdirilməsi üçün işçi qrupunun yaradılmasını və hökumət nümayəndə heyətlərinin qarşılıqlı səfərlərini təklif edib.
Bu siyasi dialoq 2025-ci ildə daha institusional xarakter alıb. Həmin ilin dekabrında Azərbaycan və Laos xarici işlər nazirlikləri arasında ilk siyasi məsləhətləşmələr keçirilib. Tərəflər siyasi, iqtisadi və humanitar əməkdaşlığın genişləndirilməsi, həmçinin Azərbaycan və Laosun üzv olduğu beynəlxalq təşkilatlar çərçivəsində qarşılıqlı fəaliyyət məsələlərini müzakirə ediblər.
Azərbaycan və Laos üçün nəqliyyat və logistika da perspektivli istiqamətdir. Azərbaycanın Şərq-Qərb və Şimal-Cənub dəhlizlərində mühüm mövqeyi Laosun Avropa bazarlarına çıxışı üçün yeni imkanlar yarada bilər. Laosun qonşu ölkələrlə dəmir yolu bağlantılarının inkişafı və gələcəkdə Trans-Xəzər marşrutuna qoşulmaq imkanları bu baxımdan xüsusi əhəmiyyət daşıyır. 13 oktyabr 2026-cı ildə Laos Prezidentinin Azərbaycana rəsmi səfəri münasibətlərdə yeni mərhələnin göstəricisi olub. Səfər çərçivəsində Azərbaycan və Laos arasında Birgə Bəyanat qəbul edilib, kənd təsərrüfatı sahəsində əməkdaşlıq haqqında Anlaşma Memorandumu və xidməti pasport sahiblərinin vizadan qarşılıqlı azad edilməsi haqqında saziş mübadilə edilib. Bu sənədlər siyasi dialoqun artıq konkret sektorlar üzrə əməkdaşlığa çevrildiyini göstərir.
Azərbaycan–Laos münasibətləri artıq yalnız diplomatik dostluqla məhdudlaşmır. Siyasi dialoq, parlamentlərarası əlaqələr, təhsil, ticarət, investisiya, kənd təsərrüfatı, nəqliyyat, logistika və mina fəaliyyəti iki ölkənin qarşıdakı dövrdə əməkdaşlığını daha da genişləndirə biləcək əsas istiqamətlərdir. Bu münasibətlərin perspektivi həm də Azərbaycanın Cənub-Şərqi Asiya ilə əlaqələrinin dərinləşdirilməsi, Laosun isə Qafqaz və Avropa istiqamətində yeni iqtisadi və logistika imkanları əldə etməsi baxımından əhəmiyyətlidir. Üç onillik siyasi dostluğun növbəti mərhələsi məhz bu dostluğu konkret layihələrə, sərmayələrə, insan əlaqələrinə və qarşılıqlı iqtisadi faydaya çevirməkdən keçir”.
Deputat bildirib ki, münasibətlərin inkişafında 2024-cü ildə Kazanda Prezident İlham Əliyev ilə Laos Prezidenti Thonqlun Sisulitin görüşü mühüm mərhələ olub:
“Görüş zamanı iqtisadiyyat, ticarət, investisiya, turizm və kənd təsərrüfatı sahələrində əməkdaşlığın genişləndirilməsi imkanları müzakirə edilib. Prezident İlham Əliyev iki ölkə arasında iqtisadi, ticarət və enerji sahələrində əməkdaşlığın inkişaf etdirilməsi üçün işçi qrupunun yaradılmasını və hökumət nümayəndə heyətlərinin qarşılıqlı səfərlərini təklif edib.Deputat qeyd edib ki, 2025-ci ilin dekabrında Azərbaycan və Laos xarici işlər nazirlikləri arasında ilk siyasi məsləhətləşmələrin keçirilməsi ikitərəfli əlaqələrin inkişafında mühüm addım olub. Tərəflər siyasi, iqtisadi və humanitar əməkdaşlığın genişləndirilməsi, həmçinin beynəlxalq təşkilatlar çərçivəsində qarşılıqlı fəaliyyət məsələlərini müzakirə ediblər.P.Vəliyeva bildirib ki, Azərbaycan və Laos arasında nəqliyyat və logistika sahələrində əməkdaşlıq üçün də geniş perspektivlər mövcuddur. Azərbaycanın Şərq-Qərb və Şimal-Cənub dəhlizlərindəki mövqeyi Laosun Avropa bazarlarına çıxışı üçün yeni imkanlar yarada bilər”.
Deputat vurğulayıb ki, 13 oktyabr 2026-cı ildə Laos Prezidentinin Azərbaycana rəsmi səfəri ikitərəfli münasibətlərdə yeni mərhələnin başlanğıcı kimi qiymətləndirilə bilər:
“Səfər çərçivəsində imzalanan və mübadilə edilən sənədlər siyasi dialoqun konkret sahələr üzrə əməkdaşlığa çevrildiyini göstərir:
Azərbaycan–Laos münasibətləri artıq yalnız diplomatik dostluqla məhdudlaşmır. Siyasi dialoq, parlamentlərarası əlaqələr, təhsil, ticarət, investisiya, kənd təsərrüfatı, nəqliyyat, logistika və mina fəaliyyəti iki ölkənin qarşıdakı dövrdə əməkdaşlığını daha da genişləndirə biləcək əsas istiqamətlərdir”.
Bu münasibətlərin perspektivi həm də Azərbaycanın Cənub-Şərqi Asiya ilə əlaqələrinin dərinləşdirilməsi, Laosun isə Qafqaz və Avropa istiqamətində yeni iqtisadi və logistika imkanları əldə etməsi baxımından əhəmiyyətlidir. Üç onillik siyasi dostluğun növbəti mərhələsi məhz bu dostluğu konkret layihələrə, sərmayələrə, insan əlaqələrinə və qarşılıqlı iqtisadi faydaya çevirməkdən keçir”, – deyə deputat qeyd edib”.
Nuray Mehtiyeva
16:15 14.10.2026
Oxunuş sayı: 63
