Xarici xəbərlər

Zelenskinin ofisi Trampın Moskva təklifini təkzib etdi

Ukrayna Prezidenti Volodimir Zelenskinin Ofisi ABŞ Prezidenti Donald Trampın Zelenskiyə Rusiya Prezidenti Vladimir Putinlə görüşmək üçün Moskvaya getməyi təklif etdiyi barədə məlumatı təkzib edib.

Crossmedia.az xəbər verir ki, “Ukrainskaya pravda” bu barədə məlumat yayıb.

Ofisin prezidentin kommunikasiya məsələləri üzrə müşaviri Dmitri Litvin nəşrə açıqlamasında Bloomberg-in yaydığı məlumatı “yanlış informasiya” adlandırıb.

Bloomberg daha əvvəl mənbələrə istinadən Trampın sentyabrın 22-də Nyu-Yorkda Zelenski ilə görüşü zamanı ona Moskvaya gedərək Putinlə müharibənin dayandırılması ilə bağlı danışıqlar aparmağı təklif etdiyini yazmışdı. Nəşrin məlumatına görə, Zelenski bu təklifdən imtina edib.

Bununla yanaşı, Zelenski sentyabrın 25-də ABŞ tərəfinin Rusiya-Ukrayna danışıqları üçün Birləşmiş Ərəb Əmirliklərində üçtərəfli texniki görüş keçirilməsini təklif etdiyini bildirib.

Mövzular:

Ukrayna Prezidenti Volodimir Zelenski ABŞ Prezidenti Donald Tramp Vladimir Putin Dmitri Litvin Nyu-York

🖨 Çap et

23:38 25.09.2026

Oxunuş sayı: 40