Xarici xəbərlər

Bağdad Kitab Sərgisində rekord iştirak qeydə alınıb

Bağdadda keçirilən 27-ci Beynəlxalq Kitab Sərgisində 28 ölkədən 600-dən çox yerli, ərəb və beynəlxalq nəşriyyat və agentlik iştirak edir. Bu, sərginin tarixində ən yüksək beynəlxalq iştirak göstəricisidir.

Crossmedia.az xəbər verir ki, sərginin təşkilat komitəsinin rəhbəri Əbdül Vəhhab ər-Radi bildirib. Onun sözlərinə görə, tədbirdə 17 ərəb və 11 qeyri-ərəb ölkəsi, eləcə də elmi və tədqiqat institutları təmsil olunur.

Sərgidə müxtəlif mədəni tədbirlər keçirilir, nəşriyyatlar isə zallarda on minlərlə yeni kitabı təqdim edirlər. Tədbirə iraqlı oxucuların da böyük maraq göstərdiyi, xüsusilə yeni nəşrlərin alınmasına tələbatın yüksək olduğu bildirilib.

Əbdül Vəhhab ər-Radi sərginin İraqda və Bağdadda vəziyyətin normal olduğunu dünyaya göstərən mesaj daşıdığını vurğulayıb. Sərgi sentyabrın 2-də açılıb və sentyabrın 12-dək davam edib.

Mövzular:

Bağdad Beynəlxalq Kitab Sərgisi nəşriyyatlar İraq Əbdül Vəhhab ər-Radi ərəb

🖨 Çap et

02:45 15.09.2026

Oxunuş sayı: 44