Xarici xəbərlər

Almaniyada AfD ilk dəfə 30 faizlik dəstəyə çatıb

Almaniyada “Almaniya üçün Alternativ” (AfD) partiyası ümumrespublika sorğusunda ilk dəfə 30 faiz dəstək toplayıb.

Crossmedia.az xəbər verir ki, sorğunun nəticələrinə görə, AfD kansler Fridrix Merzin rəhbərlik etdiyi Xristian Demokrat İttifaqı/Xristian Sosial İttifaqını (CDU/CSU) 10 faiz bəndi qabaqlayıb. CDU/CSU-nun göstəricisi 20 faiz, Sosial Demokrat Partiyasının (SPD) dəstəyi isə cəmi 11 faiz təşkil edib.

AfD 2025-ci il federal seçkilərində 20,8 faiz səs toplamışdı. Beləliklə, partiya son 18 ayda dəstəyini təxminən 10 faiz bəndi artırıb.

AfD-yə qarşı siyasi “sanitar kordon” hələ də qüvvədə qalsa da, partiyanın reytinqi artmaqda davam edir. Altı gün sonra Berlin və Meklenburq-Ön Pomeraniya torpaqlarında regional seçkilərin keçirilməsi gözlənilir.

Mövzular:

Almaniya Almaniya üçün Alternativ AfD kansler Fridrix Merz Sosial Demokrat Partiyası sanitar kordon

🖨 Çap et

23:51 14.09.2026

Oxunuş sayı: 46