Xarici xəbərlər

Rusiyada əhalinin xarici valyuta alışları kəskin azalıb

Rusiyada fiziki şəxslərin xarici valyuta üzrə xalis alışları avqust ayında kəskin azalaraq 74 milyard rubl təşkil edib.

Crossmedia.az xəbər verir ki, Rusiya Mərkəzi Bankının məlumatına görə, bu göstərici iyul ayında 97,2 milyard rubl, son 12 ay üzrə orta hesabla isə 87,9 milyard rubl olub. Avqustda rublun ABŞ dollarına qarşı məzənnəsi 7,2 faiz zəifləyib və xarici valyutaların rubla nisbətdə məzənnələrinin artması bazarda dəyişkənliyin yüksəlməsi ilə müşayiət olunub.

Mərkəzi Bankın məlumatına görə, ilin əvvəlindən Rusiya vətəndaşları ümumilikdə 597 milyard rubl həcmində xarici valyuta alıblar. Müqayisə üçün, 2024-cü ilin eyni dövründə bu rəqəm 1,11 trilyon rubl, 2025-ci ildə isə 673 milyard rubl olub.

Rusiyada ən çox alınan xarici valyuta isə ABŞ dollarıdır. Onun payı valyuta alışına dair müraciətlərin 68 faizini təşkil edir, avronun payı isə 22 faizdir.

Mövzular:

Rusiya Mərkəzi Bank 74 milyard rubl 597 milyard rubl ABŞ xarici valyutalar vətəndaşlar

🖨 Çap et

23:05 14.09.2026

Oxunuş sayı: 48