Xarici xəbərlər

Aİ-də rus turistlərlə bağlı qadağa müzakirə ediləcək

Avropa İttifaqı liderləri oktyabrın 15-16-da keçiriləcək sammitdə Rusiya vətəndaşlarının turizm məqsədilə Aİ-yə girişinin qadağan olunması təklifini müzakirə etməyi planlaşdırır.

Crossmedia.az xəbər verir ki, “EUobserver” bu barədə məlumat yayıb.

Təklifə Baltikyanı ölkələr, Skandinaviya dövlətləri, Niderland, Polşa və Almaniyanın dəstək verdiyi bildirilir.

Slovakiya, İtaliya, İspaniya və Fransa isə mümkün qadağaya qarşı çıxır.

Məsələ Rusiya vətəndaşlarına Şengen vizalarının verilməsi ilə bağlı qaydaların sərtləşdirilməsi istiqamətində Aİ daxilində aparılan müzakirələr fonunda gündəmə gəlib. İyunda bir sıra Avropa ölkəsi Rusiya vətəndaşlarının turist səfərlərinin məhdudlaşdırılması üçün daha sərt və məcburi tədbirlərin görülməsinə çağırıb.

Mövzular:

Avropa İttifaqı Rusiya rus turistlər Aİ sammiti

🖨 Çap et

12:47 03.09.2026

Oxunuş sayı: 43