ANAMA ilə Keniya arasında minatəmizləmə sahəsində əməkdaşlıq müzakirə olunub
Azərbaycan Minatəmizləmə Agentliyinin (ANAMA) İdarə Heyətinin sədri Vüqar Süleymanov Keniya Respublikasının Nayrobi şəhərində fəaliyyət göstərən Beynəlxalq Sülhə Dəstək Təlim Mərkəzinin (IPSTC) direktoru Çarlz Lenjo Mvaziqenin rəhbərlik etdiyi nümayəndə heyəti ilə görüşüb.
Crossmedia.az xəbər verir ki, bu barədə ANAMA-dan məlumat verilib.
Görüşdə Azərbaycan ilə Keniya arasında humanitar minatəmizləmə sahəsində ikitərəfli əməkdaşlığın inkişaf perspektivləri müzakirə olunub.
Tərəflər qarşılıqlı təcrübə mübadiləsi, təlim potensialının gücləndirilməsi, həmçinin minatəmizləmə sahəsində müasir və innovativ yanaşmaların tətbiqi imkanları barədə fikir mübadiləsi aparıblar.
19:35 01.09.2026
Oxunuş sayı: 48
