Xarici xəbərlər

Dünyada təbii qaza tələbat rekord həddə çatıb

2025-ci ildə dünyada təbii qaza tələbat əvvəlki illə müqayisədə 1,7 faiz artaraq rekord həddə — 4 trilyon 202 milyard kubmetrə çatıb.

Crossmedia.az xəbər verir ki, bu barədə Beynəlxalq Qaz İttifaqı (IGU) və “Snam” şirkətinin hazırladığı “Qlobal Qaz Hesabatı – 2026”da məlumat verilib.

Hesabata görə, 2025-ci ildə təkcə təbii qaza tələbat deyil, qlobal qaz təchizatı və mayeləşdirilmiş təbii qaz (LNG) ticarəti də rekord göstəricilərə çatıb. Dünya üzrə qaz təklifi il ərzində 52 milyard kubmetr artaraq 4 trilyon 147 milyard kubmetrə yüksəlib.

Təchizat artımına ən böyük töhfəni Şimali Amerika verib – 54 milyard kubmetr. Yaxın Şərqdə təklif 11 milyard, Asiyada 6 milyard, Cənubi Amerikada isə 2 milyard kubmetr artıb.

🖨 Çap et

08:48 01.09.2026

Oxunuş sayı: 186