Xarici xəbərlər

İsveç hərbçiləri Rusiya iş adamı ilə bağlı ərazini məcburi qaydada almaq istəyirlər

İsveç hərbi qurumları Stokholm arxipelaqındakı Muskö adasında yerləşən donanma bazasının yaxınlığındakı torpaq sahəsinin məcburi qaydada dövlət mülkiyyətinə keçirilməsinə çalışır.

Crossmedia.az xəbər verir ki, bu barədə “Anadolu Agentliyi” məlumat yayıb.

İsveç Silahlı Qüvvələrinin müraciəti əsasında ölkənin Fortifikasiya Agentliyi sözügedən ərazinin ekspropriasiyası üçün hökumətə müraciət edib. Hərbçilərin fikrincə, Muskö donanma bazasının girişlərindən birinin yaxınlığında yerləşən bu sahə, xüsusilə pilotsuz uçuş aparatlarından müdafiənin gücləndirilməsi üçün strateji əhəmiyyət daşıyır.

İsveç hərbi rəhbərliyi mövcud mülkiyyət vəziyyətinin təhlükəsizlik riski yaratdığını bildirib. Məlumata görə, ərazi faktiki olaraq Rusiya iş adamı Stanislav Alyoşçenko ilə əlaqələndirilir, baxmayaraq ki, mülkiyyət rəsmi sənədlərdə onun həm Rusiya, həm də İsveç vətəndaşı olan həyat yoldaşının adına qeydiyyatdadır.

İsveç mətbuatının məlumatına görə, Stanislav Alyoşçenkonun Rusiya dövlət strukturları ilə əlaqələrinin ola biləcəyi iddia edilir. İsveç hökuməti hərbi qurumların müraciətini nəzərdən keçirəcək.

Mövzular:

İsveç Rusiya Stanislav Alyoşçenko Muskö adası donanma bazası ekspropriasiya pilotsuz uçuş aparatları təhlükəsizlik

🖨 Çap et

09:14 26.08.2026

Oxunuş sayı: 52