Rusiya Azərbaycanla döyüşlərdə Ermənistana necə kömək edib?
Ermənistanın keçmiş müdafiə naziri Arşak Karapetyan Rusiya ordusunun Azərbaycanla döyüşlər zamanı Ermənistan tərəfinə birbaşa yardım etdiyini və Bakıya təzyiq göstərdiyini iddia edib.
Crossmedia.az xəbər verir ki, Karapetyan bu barədə açıqlamasında bildirib.
Onun sözlərinə görə, Rusiya Ermənistan ərazisinin müdafiəsində birbaşa iştirak edib və hərbi əməliyyatların dayandırılması məqsədilə Azərbaycana təzyiq göstərib.
Karapetyan bildirib ki, Rusiya bunun üçün Xəzər flotiliyasını Bakı istiqamətində çıxarıb və strateji aviasiyanı havaya qaldırıb. O, Moskvanın bu addımlarla Azərbaycana təzyiq göstərdiyini iddia edib.
Keçmiş nazir bəzi detalları açıqlaya bilməyəcəyini deyərək, gələcəkdə tarixçilərin həmin dövrdə baş verənləri və tərəflərə kimin hansı formada yardım etdiyini ortaya çıxaracağını bildirib.
Qeyd edək ki, Karapetyanın səsləndirdiyi fikirlər onun şəxsi iddialarıdır. Xəbərdə Azərbaycan tərəfinin və Rusiyanın bu açıqlamaya münasibəti təqdim edilməyib.
10:59 22.08.2026
Oxunuş sayı: 64
