Yataq dəstini təzələməyin sadə yolu: Sən demə...
Yataq dəstini hər dəfə yumaq mümkün olmadıqda onu təzələmək üçün sadə ev üsulundan istifadə etmək olar.
Crossmedia.az xəbər verir ki, “Cronista.com”un məlumatına görə, bu üsul xüsusilə havalandırması zəif olan evlərdə və ya ev heyvanlarının olduğu məkanlarda daha çox istifadə edilir.
Bunun üçün su ilə qarışdırılmış sirkə məhlulu hazırlanır və parçanın üzərinə püskürdülür.
Lakin mütəxəssislər bildirirlər ki, bu üsul adi yumanı əvəz etmir, sadəcə yataq dəstini qısa müddətə təravətləndirməyə kömək edir.
Sirkənin tərkibində olan sirkə turşusu bəzi xoşagəlməz qoxuları neytrallaşdıra bilir. Xüsusilə gecə ərzində parçaya hopan tər və nəmlik qoxularının azalmasına kömək edir.
Sirkə turşusunun müəyyən antimikrob təsiri də olduğu qeyd edilir. Lakin mütəxəssislər vurğulayırlar ki, bu qarışıq yataq dəstini dezinfeksiya edən vasitə hesab olunmamalıdır.
Sirkəli sprey hazırlamaq üçün lazım olanlar:
1 stəkan su;
az miqdarda sirkə;
istəyə görə bir neçə damcı efir yağı.
Bütün maddələr püskürdücülü qabda qarışdırılır və istifadə etməzdən əvvəl çalxalanır.
Mütəxəssislər məsləhət görür ki, qarışığı əvvəlcə yataq dəstinin görünməyən kiçik hissəsində yoxlamaq lazımdır. Parçanı tam islatmaq tələb olunmur, sadəcə səthə yüngül və bərabər şəkildə püskürtmək kifayətdir.
İşlənmədən sonra yataq dəsti tam qurumalı, otaq isə havalandırılmalıdır ki, liflərin arasında nəmlik qalmasın.
06:40 20.08.2026
Oxunuş sayı: 292
