Xarici xəbərlər

İran ABŞ-yə xəbərdarlıq etdi: Nüvə obyektlərinə hücum münaqişəni genişləndirəcək

İran ABŞ-yə ölkənin nüvə və strateji əhəmiyyətli obyektlərinə mümkün hücumun nəticələri barədə xəbərdarlıq edib.

Crossmedia.az xəbər verir ki, bu barədə İran Silahlı Qüvvələrinin Xatəm əl-Ənbiya Qərargahının açıqlamasında bildirilib.

Qərargah ABŞ-yə İranın nüvə və həssas obyektlərinə qarşı mümkün hərbi zərbələrlə bağlı xəbərdarlıq edib.

"Cinayətkar ABŞ İran İslam Respublikasının nüvə və həssas obyektlərinə zərbə endirməklə hədələyib. Əgər bu ölkənin ordusu belə bir addım atarsa, bunu regionda münaqişənin genişlənməsi kimi qiymətləndirəcəyik. ABŞ-yə məxsus bütün maraqlar, eləcə də bu ölkənin müttəfiqlərinin və tərəfdaşlarının maraqları İran Silahlı Qüvvələrinin zərbələrinin hədəfi olacaq", – deyə açıqlamada qeyd olunub.

Bəyanat ABŞ Prezidenti Donald Trampın İranın Koh Kolenq obyektinə mümkün zərbə ilə bağlı açıqlamasından sonra verilib.

Tramp daha əvvəl Ağ Evdə Livan Prezidenti ilə görüşü zamanı ABŞ-nin Koh Kolenqdəki İran obyektinə "tezliklə" zərbə endirə biləcəyini bildirib.

🖨 Çap et

12:17 22.07.2026

Oxunuş sayı: 57