Trampın bir cümləsi Yaxın Şərqi qarışdırdı
ABŞ Prezidenti Donald Tramp Vaşinqtonun İsraili Livan ərazisindən qoşunlarını çıxarmağa məcbur etmək üçün təzyiq göstərmək imkanını nəzərdən keçirə biləcəyini bildirib.
Crossmedia.az bu barədə xarici mediaya istinadən xəbər verir.
Tramp bu barədə Livan Prezidenti Cozef Aun ilə Ağ Evdə keçirilən görüş zamanı danışıb. O, ABŞ-nin İsrailə əlavə təzyiq göstərməyə hazır olub-olmaması ilə bağlı suala cavab verərkən deyib:
“Bunu nəzərdən keçirəcəyəm. Mən bu barədə indicə eşitdim və biz bunu araşdıracağıq”.
Məsələ Livan ordusunun İsrail qüvvələrini ölkənin cənubundakı Zautar əl-Qarbiyyə şəhərinin pilot zonasında yerləşən mövqelərini atəşə tutmaqda ittiham etməsindən sonra gündəmə gəlib.
Tramp həmçinin Suriyanın Livandakı “Hizbullah” hərəkatına qarşı mübarizə üçün ölkəyə qoşun göndərə biləcəyini istisna etməyib.
“Biz Suriyanın prezidenti ilə çox yaxşı münasibətlərə sahibik, o, öz işini çox yaxşı görür. Təəccüblənməzdim ki, bu cənab belə bir işlə məşğul olsun. O, müdaxilə etmək və “Hizbullah”la bağlı nəsə etmək istəyərdi”, – deyə Tramp bildirib.
ABŞ lideri əlavə edib ki, belə addımların son dərəcə effektiv ola biləcəyinə inanır.
Daha əvvəl Livan ordusunun mexanikləşdirilmiş bölməsi İsrail qüvvələrinin geri çəkildiyi Zautar əl-Qarbiyyə bölgəsinə daxil olub. “Asharq al Awsat” qəzetinin məlumatına görə, Livan hərbçiləri bölgədə sabitliyi təmin etmək qabiliyyətlərini nümayiş etdirməli və “Hizbullah” tərəfdarlarının silahsızlaşdırılması prosesinə başlamalıdır.
23:06 21.07.2026
Oxunuş sayı: 51
