Rusiya: İrana qarşı zərbələr sülhə gedən ˝qapını˝ bağladı
Rusiya İrana qarşı hərbi zərbələrin yenidən başlanmasını Tehran və Vaşinqton arasında əldə olunmuş memorandumun pozulması kimi dəyərləndirib.
Crossmedia.az bu barədə ˝TASS˝agentliyinə istinadən xəbər verir.
Bəyanatda bildirilib ki, hərbi əməliyyatların bərpası nəticəsində İranda mülki infrastruktur və həmçinin Fars körfəzi Ərəb Dövlətləri Əməkdaşlıq Şurasına üzv ölkələrdə mülki obyektlər zərər görür.
Rusiya vurğulayıb ki, bu cür addımlar münaqişənin nizamlanmasına xidmət etmir və əksinə, Tehran- Vaşinqton arasında imzalanmış memorandumun açdığı diplomatik imkanları aradan qaldırır.
Moskva hesab edir ki, İrana qarşı hərbi aqressiyanın yenidən başlanması münaqişənin siyasi yolla həlli perspektivlərini zəiflədir və sülh prosesinə mənfi təsir göstərir.
18:20 14.07.2026
Oxunuş sayı: 51
