Macarıstanın müdafiə naziri: Rusiyaya qarşı qapını bağlayacağıq
Macarıstanın müdafiə naziri Romulus Rusin-Sendi bildirib ki, ölkənin yeni hökuməti NATO və Avropa İttifaqı müttəfiqlərinin etimadını bərpa etmək üçün Rusiyaya qarşı daha sərt siyasət yürütmək niyyətindədir.
Crossmedia.az xəbər verir ki, "TASS" bu barədə məlumat yayıb.
Rusin-Sendi bildirib ki, yeni hökumət Rusiyaya münasibətdə "qapını bağlamağı" planlaşdırır və bununla NATO və Avropa İttifaqındakı tərəfdaşların etimadını yenidən qazanmağa çalışacaq.
Məlumatda qeyd olunur ki, Rusin-Sendi daha əvvəl Baş Qərargah rəisi vəzifəsindən səlahiyyətlərini aşdığı iddiası ilə uzaqlaşdırılmışdı.
KİV-in məlumatına görə, Viktor Orban hökuməti onu NATO iclaslarında rəsmi göstərişlərə zidd olaraq Ukraynaya dəstək mövqeyini fəal şəkildə müdafiə etdiyinə görə vəzifədən azad edib.
Qeyd edək ki, Rusin-Sendinin müdafiə naziri olması və yeni hökumətlə bağlı iddialar rəsmi şəkildə təsdiqlənməyib. Hazırda Macarıstanda müdafiə naziri vəzifəsini Kristof Şalay-Bobrovnitski icra edir. Buna görə də təqdim olunan məlumatlar hələlik təsdiqini tapmamış iddialardır.
17:48 14.07.2026
Oxunuş sayı: 52
