Zelenski: Rusiya tezliklə 5 min kilometr mənzilli raketlər buraxa bilər
Ukrayna Prezidenti Volodimir Zelenski Rusiyanın güclü ballistik raket arsenalına malik olduğunu və yaxın gələcəkdə 5 min kilometr məsafəni qət edə bilən raketləri işə sala biləcəyini iddia edib.
Crossmedia.az xəbər verir ki, "Insider UA" bu barədə məlumat yayıb.
Zelenskinin sözlərinə görə, Rusiyanın çox güclü ballistik raketləri var və onların 5 min kilometr məsafəyə qədər uça bilən raketləri istifadəyə verməsi yalnız zaman məsələsidir.
Ukrayna Prezidenti həmçinin bildirib ki, Rusiya ordusu cəbhənin 50 kilometrlik bir hissəsində 150 min hərbçi itirib.
"Bu, əsl müharibənin necə göründüyünü göstərir", – deyə Zelenski vurğulayıb.
16:11 14.07.2026
Oxunuş sayı: 48
