Hindistanın ən güclü raketlərindən biri yeni ölkəyə satılır
İndoneziya Hindistan istehsalı olan "BrahMos" supersəs gəmi əleyhinə raketlərinin alınmasına qərar verib.
Crossmedia.az xarici mediaya istinadən xəbər verir ki, söhbət dünyanın ən sürətli əməliyyat-taktiki gəmi əleyhinə raket sistemlərindən hesab olunan "BrahMos" komplekslərindən gedir.
Məlumata görə, raketlərin alınması İndoneziyanın dəniz müdafiə imkanlarının gücləndirilməsi və hərbi potensialının artırılması strategiyasının tərkib hissəsidir.
Qeyd edək ki, "BrahMos" raketi Hindistan və Rusiya tərəfindən birgə hazırlanıb. Sistem həm dəniz, həm quru, həm də hava platformalarından buraxıla bilir və səs sürətindən bir neçə dəfə yüksək sürətlə hədəfləri vurmaq imkanına malikdir.
10:35 11.07.2026
Oxunuş sayı: 66
